開  張  旺  舖                                 撰文‧方海閱
 

        如果打算開舖做老闆，都希望自己間舖客似雲來，生意興隆兼平安大吉！

        按傳統習俗的做法，在新舖未入伙之前，就要做一些旺舖的儀式，來迎接好運的來臨。這儀式都只求心安理得及生意興隆，與迷信無關。在中國人的觀念上，認為財 運是來自五方五土，故要拜祭五方五土的神祇，祈求衪們能保佑間舖開張大吉之同時，更能招財進寶，事事順利。

1. 開張當日老闆們首先要準備一些意頭十足嘅拜神物品：包括雞肉、燒肉或乳豬、鯪魚、生菜、蠔豉、髪菜、百合、花生等等。
2. 吉時到嘅時候，店東要誠心向供奉嘅神靈祈禱上香，而且仲要向神祇稟上心願，如保祐生意興隆，財源廣進這類嘅吉語。
3. 之後燃化金銀衣紙，視乎自己所供奉嘅神靈而定，例如：供奉觀音用觀音衣，再加上地主衣、土地衣及旺財符等等。
4. 有求於神靈，請神飲杯酒都應該，店東跟住要恭恭敬敬咁向神靈拱手奠酒，咁就禮成了。

        舖頭開張拜神其實視乎行業而定。例如經營傢俬工藝行業嘅人士會供奉魯班先師，戲行中人則會拜華光大帝。不過時至今日，大多數生意人都會供奉關帝，原因好簡 單，因為一直以嚟關帝喺中國人心目中除咗可以治病除災、鎮邪擋煞之外，仲具有招財進寶嘅能力，所以供奉關帝喺舖頭，就乜都搞掂晒！

        安神開光是一門專業學問，當中配合了玄學五行。不懂得拜祭的人士，或想儀式做得完滿和有效應，則可以請一些專業人仕待為處理。